Сұрақтар мен жауаптар

Минералды жылу оқшаулауға материалдардың үш түрі жатады: тас мақта, шыны мақта және қож мақта. Айырмашылығы өнім өндірісінде қолданылатын шикізат компоненттерінде. Тас мақта — басым бөлігі жерді жарып шыққан тау жыныстарының балқытпасынан жасалған жылу, дыбыс оқшаулағыш материал.

Тас мақтаның өндірісіне арналған негізгі компоненттердің бірі ретінде габбро-базальт тобының жерді жарып шыққан тау жыныстары және химиялық құрамы бойынша оларға ұқсас метаморфоздық тау жыныстары, сондай-ақ мергельдер қолданылады. ТЕХНОНИКОЛЬ тас мақтасы жанбайтын жылытқыш болып табылады, жылу оқшаулауға, өртке қарсы қорғанышқа, үй-жай ішінде акустикалық жайлылық қалыптастыруға мінсіз сай келеді.

Біздің өнімдер еліміздің ірі қалаларының басым бөлігінде ұсынылады. Материалдарымызды өткізумен айналысатын сауда серіктестеріміздің толық тізімін сайтта «Үйдің жанынан сатып алу» бөліміне өту арқылы табуға болады.

ТЕХНОНИКОЛЬ тас мақтасы жанбайтын материал болып табылады. Тас мақта талшықтары 1000 ºС-қа дейін балқымастан жоғары температураларға төзе алады. Ашық кеуекті құрылымының арқасында тас мақтадан жасалған бұйымдар жылу, дыбыс оқшаулайтын қасиеттерге ие. Тас мақтаның кеуектеріне тұйықталған ауа төмен жылу өткізгіштік қасиетке ие және қозғалыссыз күйде тұрады, дәл осы жайт оның тамаша жылу оқшаулағыш қасиеттерін береді. Ашық кеуектілігінің арқасында тас мақта — бу өткізетін материал, бу өткізгіштігі шамамен 0,25 — 0,35 мг/м сағ Па-ға тең. Жылу оқшаулау тығыздығы шамамен 30 кг/м³-ден 220 кг/м³-ге дейін әртүрлі бола алады, яғни физикалық-механикалық сипаттамалары да ерекшеленеді, мысалы, қатты тақталар 70 кПа (7000 кг/м²!) үлестірілген жүктемені көтеруге қабілетті. Бұйымдар алюминий жұқалтырдан, крафт-қағаздан, шыныкенептен және т.б. жасалған жабынымен шығарыла алады.

ТЕХНОНИКОЛЬ тас мақтадан жасалған тақталарының пайдалану мерзімі кемінде 50 жылды құрайды, бұл ғимараттың пайдаланылу мерзімімен мөлшерлес. ТЕХНОНИКОЛЬ маркасының тас мақтасынан өндірілетін бүкіл өнімдер құрылыстық конструкцияларда пайдаланушылық қасиеттерін ұзақ сақтау мерзімімен ерекшеленеді. Бұл жеке талшықтың сипаттамаларына да, конструкциядағы бүкіл жылу оқшаулағыш материалдың жұмысына да байланысты.

Бұл тапсырманы орындауға сізге жеңіл маркалы тақталары бар ТН-СТЕНА Балкон жүйесі, мысалы, РОКЛАЙТ сай келеді. Қалыңдығы жылу-техникалық есептеудің негізінде жобаңызға жеке іріктеледі.

Астана қаласында, Бейбітшілік көшесі 39-үй, 3-корпус мекенжайы бойынша орналасқан ТЕХНОНИКОЛЬ компаниясының оқыту орталығында оқып шықсаңыз болады. Сондай-ақ үйрену мақсатында компанияның техникалық мамандары өткізіп отыратын вебинарлардың жазбалары қолжетімді. Өзіңізді қызықтыратын тақырыпты осы жерден таңдауға болады.

Жасалатын шикізаты негізінен жерді жарып тау жыныстарының балқытпасы болғанына қарамастан, тас мақтадан жасалған тақталардың салмағы ауыр емес, сондықтан бір адам материалды оңай тасымалдай алады. Сондай-ақ ТЕХНОНИКОЛЬ тас мақтадан жасалған тақталары терможиырылғыш үлдірмен қапталады, бұл материалмен жұмыс істеуді сөзсіз жеңілдетеді.

Тас мақта жылытқышы қолданылатын қаңқалы үй тұрғызу кезінде жылы үй-жай жағынан буды оқшаулағыш қабаттың, ал сыртқы жағынан судан, желден қорғайтын мембрананың болуы міндетті.

ТЕХНОНИКОЛЬ тас мақтадан жасалған тақталары кең ауқымды жиіліктер диапазонында ауадағы және соққыдан туындаған шуылдардың дыбысын жақсы жұтатын қасиетке ие. Дыбыстың жұтылуы дыбыс толқынын тиімді басатын талшықты құрылымның есебінен қамтамасыз етіледі. ТЕХНОНИКОЛЬ тас мақтасы — қаңқасы иілгіш кеуектігі жоғары материал. Дыбыс энергиясын жұту механизмінің әрекеті келесідей: кеуекті материалдың бетіне ұшырасқан дыбыс толқындары кеуектердің ішіндегі ауаны тербелетін қозғалысқа келтіреді. Кеуек қуыстар ішінен өтетін ауа ағынына көп кедергі тудырады, осының арқасында материал құрылымы арқылы өткен кезде дыбыс толқындарының басылуы және жұтылуы орын алады, тұтқыр үйкелістің нәтижесінде дыбыс энергиясының бір бөлігі жылуға айналады. Сонымен қатар ТЕХНОНИКОЛЬ тас мақтадан жасалған тақталары қалқыма едендердің конструкциясында қолданылады, жоғары дыбыс оқшаулағыш сипаттамаларының (салыстырмалы сығылуы және серпімділік модулі) материал соққыдан таралған шуылдарды тиімді азайтады.

ТЕХНОНИКОЛЬ тас мақтасы шуылдардың барлық түрлерімен – ауадан таралатын, соққыдан таралатын соққылармен күресуге көмектеседі. Сайттан тас мақта негізіндегі материал қолданылатын дыбысты оқшаулауға арналған әртүрлі шешімдерді көре аласыз: ауадан таралатын шуылдармен күресуге аспалы төбелер, лагтарға орнатылатын едендер, аралықтар және ішкі дыбыс оқшаулағыш қаптауыштар; соққыдан тарайтын шуылдарға қарсы күресуге – қалқымалы еден жүйелері және лагтарға орнатылатын едендер.

Дыбысты оқшаулаудың акустикалық жайлылыққа қол жеткізуге бағытталған іс-шаралардың бүтін бір кешені екенін есте сақтау қажет. Бірінші кезекте шуыл көзін анықтап алу қажет. Кейде шуыл көзі ғимараттан тыс жерде болады, әйтсе де себептің іште орналасатын жағдайлары жиі кездеседі, мысалы, желдету жүйелері, сорғы жабдықтары, жеделсатылар, қоқыс құбырлары және басқа да инженерлік жабдықтар, шулы көршілер. Осыдан кейін ғана дыбысты оқшаулау бойынша шараларды қолдану қажет.

Көппәтерлі үйдің қабат аралық жабындарының дыбысын оқшаулау үшін материал мен дұрыс жүйені іріктеу алуға көмектесіңіз. Шулап ойнағанды жақсы көретін бүлдіршін балам бар, содан көршілеріміз бізге көп шағымданады.

Бұл жағдайда сізге жанбайтын ТЕХНОФЛОР СТАНДАРТ тас мақтасы бар ТН-ПОЛ Проф жүйесінің қалқымалы еден жүйесі сай келеді. Оның физикалық-механикалық сипаттамалары соққыдан тарайтын шуылдың деңгейін 2 есеге дейін төмендетуге мүмкіндік береді және еденге түсетін жоғары жүктемелерге (жиһаз, габаритті тұрмыстық техника) төтеп береді.

ТЕХНОНИКОЛЬ компаниясында дыбысты оқшау конструкцияларының бірнеше түрі әзірленген. Егер сізде негіздеме бұрыннан бар болса – онда ТН-СТЕНА Стандарт жүйесі сай келеді, егер сізге қаңқалы конструкциямен кеңістікті бөлі қажет болса – онда ТН-СТЕНА АКУСТИК жүйесі сай келеді. Төбені дыбыстан оқшаулау үшін ТН-ПОТОЛОК Акустик арнайы шешімі бар.

ТЕХНОНИКОЛЬ тас мақтадан жасалған тақталары жұмыс орнында кез келген құрылыс дүкенінен сатып алуға болатын майда тісті пышақпен немесе арамен оңай кесіледі.

Судан, желден қорғайтын мембрананы кез келген жағдайда қолдану қажет. Ол тікелей жабынның бетінде де, шатыр жабынының астыңғы жағында да (итарқаларда) орналаса алады.

Бұл жағдайда сізге жеңіл маркалы тас мақта, мысалы, РОКЛАЙТ жарайды. Жүйені монтаждау кезінде жылы бөлме жағынан бу оқшаулайтын қабатты қамтамасыз ету және суық жертөле жағынан судан, желден қорғайтын мембрана орнату маңызды.

ТЕХНОНИКОЛЬ тас мақтасы биологиялық тұрақты материал болып табылады. Биологиялық тұрақтылық деп материалдың әртүрлі макро- және микроағзалардың әсеріне қарсы тұру қабілетін түсініледі: материал бактериялардың, зеңдердің, саңырауқұлақтардың тіршілігін қолдамайды, сондай-ақ жәндіктер мен кеміргіштердің тіршілік етуіне тартымды орта болып табылмайды. ТЕХНОНИКОЛЬ өнімдері толықтай биологиялық тұрақтылық критерийлеріне сай келеді, бұл көптеген тесттер мен сынақтар арқылы да, натуралық бақылаулардың деректерімен де расталған. ТЕХНОНИКОЛЬ тас мақтасы кеміргіштер үшін азық ретінде тартымды емес және олар үшін қорек болып табылмайды. Мәжбүрлі жағдайларда азыққа және суға немесе жануардың өзге де физиологиялық қажеттіліктерін қанағаттандыруына тосқауыл (кедергі) болып табылған кездерде кеміргіштер кез келген өзге материал секілді ТЕХНОНИКОЛЬ тас мақтадан жасалған тақталарына әсер етеді. Еркін таңдау жағдайларында егер төсем материалы қажет болса, кеміргіштер тас мақтаға әсер етеді. Інге қажетті материалдар (кенеп, қағаз) жеткілікті болса, ТЕХНОНИКОЛЬ тас мақтадан жасалған тақталары кеміргіштерді ең соңынан ғана қызықтырады.

Бұл проблеманың оңтайлы шешімі ТЕХНОБЛОК СТАНДАРТ тас мақтасымен ТН-ФАСАД Сайдинг жүйесі болады. Судан, желден қорғайтын мембрананы орнатуды ұмытпаңыз! Қадам-қадамымен монтаждауды мына жерден қарап көруге болады.

Гидрофобтық (грек тіліндегі ὕδωρ — су және φόβος — қорқыныш, үрей) — бұл сумен жанасудан қашуға «ұмтылатын» молекуланың физикалық қасиеті. Бұл жағдайда молекуланың өзі гидрофобты деп аталады. Құрылыс конструкцияларының бүкіл зақымдарының шамамен 70 %-ы ылғалдың әсерінен туындайды. Жылытқыш құрамында ылғалдың болуы оның жылу оқшаулағыш қасиеттеріне, қызмет ету мерзіміне және үй-жайдың микроклиматына кері әсер етеді. Жылытқыш ылғалданып қалған жағдайда оның салдарларын жою бойынша қымбатқа түсетін және ұзақ мерзімді шаралар қажет болады, олар көбіне конструкция элементтерін ауыстырудан тұрады. Тас мақта тікелей сулаудың әсеріне ұшырамауы тиіс, себебі суланғаннан кейін ол өзінің қасиеттерінен айырылады. ТЕХНОНИКОЛЬ материалдары тастан жасалған және жылытқышқа су сіңірмейтін қасиет беретін гидрофобтаушы қоспалармен өңделген. Алайда бұл тек оларға судың қысқа мерзімді әсеріне ғана төзімді болуға мүмкіндік береді.

ТЕХНОНИКОЛЬ тас мақтасынан жасалған материалдармен жұмыс істеген кезде тасымалдау және сақтау ережелерін орындау қажет. Тасымалдау: Бұйымдар көліктің осы түрінде қолданылатын жүктерді тасымалдау қағидаларына сәйкес жабық көлік құралдарының барлық түрімен тасымалданады.

Міндетті түрде атмосфералық жауын-шашыннан қорғанышы бар ашық автокөлік құралдарымен бұйымдарды 500 км-ге дейінгі қашықтыққа тасымалдауға жол беріледі.

Сақтау: Тақталар бөлек маркалары мен өлшемдері бойынша қапталған және түпқоймаларға қат-қабат үйілген күйде сақталуы тиіс. Қатталған қатардың биіктігі 3 м-ден аспауы тиіс.

Түпқоймалар құрғақ, тегіс бетте сақталуы тиіс. Сақтау мерзімі бойы материал атмосфералық жауын-шашын әсерінен қорғалуы керек.

Егер жылыту итарқалардың арасына орнатылатын болса (яғни жылытқышқа жүктеме түспейтін болса), қолдануға болады.

Өнім тақталарының түсі негізінен екі түрлі параметрмен анықталады: шихтаның шикізаттық компоненттерінің бастапқы құрамымен және технологиялық желіде минералды мақта кілемін термиялық өңдеу режимдерімен. Түсі бойынша ауытқулардың өнімдердің пайдаланушылық сипаттамаларымен ешқандай байланысы жоқ, монтаждық жұмыстарды жүргізгеннен кейін бүкіл айырмашылықтар келесі әрлеудің астына жасырылып қалады.